Firdovsi Umudov: "Əvəzolunmaz məşqçi və idmançı yoxdur" - MÜSAHİBƏ

Tarix:7-09-2018, 12:56 Baxış Sayı:101 Kateqoriya:musahibe

Firdovsi Umudov: "Əvəzolunmaz məşqçi və idmançı yoxdur" - MÜSAHİBƏ
Sərbəst güləş üzrə Azərbaycan millisinin baş məşqçisi və Azərbaycan Güləş Federasiyasının vitse-prezidenti Firdovsi Umudov yığmanın açıq məşqi zamanı jurnalistlərin suallarını cavablandırıb.

haqqinsesi.info "Report"-a istinadən həmin müsahibəni təqdim edir...

- Ümumi hazırlıq barədə nə deyə bilərsiniz?

- Bu ilin əvvəlindən hazırlıq proseslərini davam etdiririk. Əvvəlcə Qazaxıstan və Türkmənistan milli komandaları ilə birgə təlim-məşq toplanışı keçirdik. Taktikanın təkmilləşdirilməsindən öncə Qazaxda məşqlər etdik. Orada Kanada millisinin də bir neçə üzvü iştirak edirdi. Qarşıda komandamızı Belarusun paytaxtı Minskdə üçqat olimpiya çempionu Aleksandr Medvedin mükafatı uğrunda Qran Pri, daha sonra dünya çempionatı gözləyir. Hazırda isə Türkiyə milli komandası ilə birgə təlim-məşq toplanışındayıq. Bundan öncə Türkiyədə Yaşar Doğunun xatirəsinə həsr edilmiş belnəlxalq turnirdə ərəfəsində də Türkiyə ilə müştərək çalışdıq. Məqsədimiz dünya çempionatında uğurla çıxış etməkdir.

- Belarusdakı turnirdə çıxış edəcək heyət müəyyənləşib?

- Bəli. Artıq heyətimiz məlumdur. Bir neçə çəki dərəcələri var ki, onlara yenidən baxacağıq. Daha sonra dünya çempionatı üçün heyətimiz açıqlanacaq.

- Türkdilli ölkələrin idmançıları ilə toplanışda iştirak edirsiniz. Bunun xüsusi səbəbi varmı?

- Kim müraciət edirsə, onlar da gəlib bizimlə hazırlıq prosesi keçirlər. Dağıstandan və Osetiyadan da bir neçə idmançı dəvət olunmuşdu.

- Güləşçilərdən zədəsi olan varmı?

- Hazırda elə də ciddi zədəli yoxdur. Yalnız Türkiyədəki toplanışda Toğrul Əsgərovun köhnə zədəsi özünü büruzə verib. Artıq bərpa prosesini keçir. Zədələri imkan versə, yarışlarda iştirak edəcək. Əks halda, onu yığmada görmürəm.

- Federasiyanın gələcək planları ilə bağlı nə deyə bilərsiniz: Qarşıdakı yarışlarda gənclərə şans verəcəksinizmi?

- Bu yaxınlarda I vitse-prezident Namiq Əliyevlə söhbətimiz oldu. Gələcək planlarımız çoxdur. Əsas məqsədimiz odur ki, gənclərin, yeniyetmələrin əsas heyətlə birlikdə hazırlıq proseslərinə fikir verək. Bu gün təlim-məşq toplanışında gənclərdən ibarət milli komanda da böyüklərlə birgə məşq prosesləri keçir. Əsas məqsədimiz odur ki, böyüklərdən ibarət əsas heyətimizin üzvləri "Yığmada yerimizi bərkitmişik" deyə rahatlıq tapmasınlar. Bu, əsla elə deyil. Yığmada hər zaman dəyişiklik baş verə bilər. Əsas hazırlığa fikir veririk. Kim özünü yaxşı tərəfdən göstərsə, yarışlarda, beynəlxalq turnirlərdə öz sözünü desə, o idmançılara da milli komandanın qapıları açıqdır. Bu gün gənclərimiz özlərini yaxşı tərəfdən göstərirlər. İtaliyada keçirilmiş Avropa çempionatında 7 medal qazandılar. İndi isə dünya birinciliyinə hazırlaşırlar. Tokio Yay Olimpiya Oyunlarına iki il qalıb. Ola bilsin, gələn il həmin gənclərdən heyətə cəlb etdik. Lisenziya yarışlarında da çıxış edə bilərlər. Bir neçə çəki dərəcəsi var ki, həmin gəncləri orada yoxlayacağıq. Həm fiziki, həm də texniki-taktiki hazırlığı yüksək ola idmançılar və ən əsası, nizam-intizam qaydalarına əməl edən hər bir idmançı millidə öz yerini bərkidir. Bayaq da qeyd etdim, Namiq Əliyevlə bu barədə söhbətlərimiz olub. İstər məşqçilər, istərsə də idmançılarda ən birinci növbədə nizam-intizama fikir veririk. Əvəzolunmaz məşqçi və idmançı yoxdur. Kimsə bu qaydalara əməl etməsə, yığma komandada yer almayacaq. Çalışacağıq ki, gələcək yarışlarda da etimadı doğruldaq.

SON XƏBƏRLƏR
Təlimlərin gecə vaxtı döyüş atışlı mərhələsi keçirilib
AzMİU-da beynəlxalq elmi konfrans öz işinə başlayıb
Bulvarda “Himnimizi bir yerdə oxuyaq!” adlı fləşmob keçiriləcək
XV Avropa Gənclər Olimpiya Festivalına həsr olunmuş rəsm müsabiqəsinə start verilib
FHN-in Qarabağ Regional Mərkəzi mülki müdafiə məşqi keçirib
Dövlət Komitəsinin sədri və sədr müavinləri bölgələrdə vətəndaşları qəbul ediblər
Prezident İlham Əliyev müqəddəs Ramazan ayı münasibətilə iftar mərasimində iştirak edib
Soydaşımız Ulyanovsk avtomobil zavodunun baş direktoru təyin edilib
Musiqi Mədəniyyəti Muzeyində Soltan Hacıbəyovun anadan olmasının 100 illiyi qeyd olunub
Almaniya Bundestaqının nümayəndələri Qəbələdə məcburi köçkünlərlə görüşüblər
Azərbaycan Ordusuna mənəvi dəstək aksiyası keçiriləcək
Mərkəzi Bank “Mastercard”la əməkdaşlıq edəcək
Bu il ölkəyə 113 min tonadək gübrə idxal olunub
Nəqliyyat, Rabitə və Yüksək Texnologiyalar Nazirliyi Kiyevdə beynəlxalq seminarda təmsil olunub
Dünyanın bir sıra aparıcı KİV-ləri UEFA Avropa Liqasının Bakıda keçiriləcək final oyununa dair məqalələr yayıb
Qazaxıstan Prezidenti Azərbaycan Prezidentinə təbrik məktubu ünvanlayıb
Barama İnnovasiya və Sahibkarlıq Mərkəzi Lənkəranda istifadəyə verilib
BMTİP-in Rezident nümayəndəsi Azərbaycanın xarici işlər nazirinə etimadnaməsini təqdim edib
Sabah Bakıda “Caspian Power” İdman Festivalına start veriləcək
UEFA İcraiyyə Komitəsinin gündəliyi açıqlanıb
Ankara və Tehran ikitərəfli münasibətləri müzakirə ediblər
İlham Əliyev Almaniya Bundestaqının nümayəndə heyətini qəbul edib
Güzəştli şərtlərlə pensiya hüququ olanlar üçün yeni, müasir Qəbul Mərkəzi istifadəyə verilib
Avropa Birliyində Avropa Parlamentinə seçkilər başlayır
DOQQUZ AYDA 381 ÇOXMƏRTƏBƏLİ BİNAYA QAZ VERİLİB
SUMQAYIT VƏ GƏNCƏ ŞƏHƏR PROKURORLUQLARININ YENİ İNZİBATİ BİNALARI İSTİFADƏYƏ VERİLİB
Beynəlxalq Böyük Türk Dili Qurultayında azərbaycanlı alimlərin məruzələri dinlənilib
Azərbaycan samboçuları Prezident Kuboku yarışında çıxış edəcəklər
İRAN NEFT HASİLATINI AZALTMAĞI PLANLAŞDIRMIR
SOCAR-IN MARKETİNQ VƏ İQTİSADİ ƏMƏLİYYATLAR İDARƏSİ QEYRİ-NEFT SEKTORU ÜZRƏ İXRACDA DÖVLƏTƏ MƏXSUS QURUMLAR ARASINDA LİDER OLARAQ QALIR